اكتشف الجديد
دخول
جوايا شعور فظيع

انى انتهيت وبضيع

بين الامل واليأس متعلق فى قشاية

بضحك وضحكى دموع

وبكايا مش مسموع

وبقول الآه تتحس

والنفسيات تعبانة

مقطوع من شجرة طول عمرى

وشكلى اكبر من عمرى

تعبت كتير

وشوفت كتير

وفى ناس كتير بيخيب ظنى

وكل ما اتقدم خطوة

امشى فى طريق مليان عتمة

بقابل ناس وافارق ناس

والفرقة توجع والصدمة

رحلة حياتى كفاح

تعبان ونفسى ارتاح

ورضيت بالهم يا دنيا والهم مش راضى

الكل باعنى وخان

وبيجوا ع الغلبان

شايل فى قلبى هموم

واضحك واقول عادى

مقطوع من شجرة طول عمرى

وشكلى اكبر من عمرى

وكل ما اتقدم خطوة

امشى فى طريق مليان عتمة

مقطوع من شجرة طول عمرى