دخيلك لاتقول شلون ..أحبك يانظر هالكون

وحبك لا أبد مايهون .. يحبك قلبي وظنونه

حسافه منك أقول الاه .. وصوتي بالحزن قد تاه

هوانا ماقدرت أنساه .. وعهدي كيف أنا اخونه

رسايل تبكي حروفي .. أنادي بالأمل خوفي

يقل بنظرتك شوفي .. وصبري واقف ٍدونه

غريب الحال متعني .. أجامل من هو يسالني

وأعيش بوحدتي كني .. مسافر والحزن لونه

تراك بلهفتي تدري .. وتجاهل يابعد عمري

حقايق تسكن بصدري .. سؤالي جد مكنونه

محال إني أعيش الهم .. أنا إحساس لحم ودم

ابيك بنظرتك ترحم .. وروحي معك مرهونه

كلمات / سعد الحارثي

لحن / سيف مجاهد