اكتشف الجديد دخول
ليتنا دايم نشوفك ليت كل مره تجينا

يا حبيبي لاتقاطع هالله هالله عاد فينا

لا تخلينا بدونك ننحرم شوفت عيونك

جيت وعدي الوقت بدري مر وعنه ما درينا

خلنا في بالك حبيبي لا تصد عنا وتقسى

بنذكرك بخير دايم بنذكرك لو كنت تنسى

مالنا بغيرك سوالف مثل من تدري وعارف

بسمك تضيع الأسامي يابعد ياشط ومرسى

بنفقدك والله بغيابك بنفقدك بأول وتالي

بس بتبقى ذكرياتك ماتحميها الليالي

ذكرى صوتك في لقانه وضحكتك هلى معانه

مانبي نوصيك يالله يابعد غالي وغالي