اكتشف الجديد دخول
محمد وردى
اضف
تحميل
18708
28071

السنبلايه

يوم ما عرفتك اخترتك سعيد الحال

اخذت شبابي متيقن عليك امال

لا جيتك قبيله ولا رجيتك مال

ولا مسحور ويوم ما كنتي

في عيني اجمل من بنات الحور

جيتك عاشق بتعلم من الايام

ومن الليالي البور

ومن اثر الولف كتال

لقيتك بطشاشي دليل

وفي حر الهجيره مقيل

لقيتك بحياتي جزور

بنيه اتلفحت بالنور

مهجنه من غني الاطفال

ومن سعف النخيل والنيل

ومن وهج الشمس نار

انا اختيرتيني انسانا

عزيز النفس بتمني وبسيط الحال

علي حرمت غرسا ما سقيته حلال

وما بحصد حصاده قفاي

وبيني وبينك الضحكه ورحيق الشاي

وطعم والخبز والستر ومساء النور

وعمق الالفه بين النهر والنخله وغنا الطمبور

وصدق العشره بين الارض والانسان

وبني وبينك الفكره وجمال الزكري والنسيان

وحسن الظن

مشوار الحياه اليوماتي

ما بين الجبل والسهل

ما بين الصعب والسهل

عز الليل وفي سكه مطر بكاي

ولا هما تشيلي براك

ولا جرفا اعاني براي

واحنا علي بعض منعض

وتزعل يوم واززعل وننفعل مرات

تقبلي مني واتوسدضراعي سكات

وفينا تشابك مودهتشابك الغابات

واحنا اذا اختلفنا سوي بنطيع الصاح

ولو بتنا القوي بنرتاح

اذا تمت طعم الملح والعيش رضي الشمات

وتتكي سنبلايه علي ضراعي واميل

غنا الطفوله العزبه

كان الدنيا طي القلب والمنديل