اغنية جاي تاني
كلمات اغنية جاي تاني
جاي تاني جاي تاني
جاي تسال عن حناني
ماخلاص اصبح حكاوي
والفاقدك عهد فاني
جاي تاني
جاي تتوسل وترجا الزمن يجمعنا تاني
لا .. لا ... ماتصدق شلت سيرتك من لساني
جاي تاني
ياما قاسمتك سهودي
وفيك بديت نظم المعاني
كنت بستناها جيتك
وكنت بحلم بالاماني
من امس بستنا بكرة
ياالرجيتك كل زماني
جيت لقيتك خنت ودي
وصدا قلبك وما طراني
جاي تاني
جاي يا الفتا ورميتني
جاي تشمت في رفاتي .. انا
ماخلاص اخترت غيري وناسي اجمل ذكرياتي
شلت من صوتي الاغاني
كل ماضي وكل اتي
والحقيقة بقت خديعة
فيها ضاعت امسياتي
جاي تاني جاي تاني
جاي تسال عن حناني
ماخلاص اصبح حكاوي
والفاقدك عهد فاني
جاي تتوسل وترجا الزمن يجمعنا تاني
لا .. لا ... ماتصدق شلت سيرتك من لساني