بنعيش و الوقت بيسرقنا

و بنمشي و نسرح في طريقنا

و الايام اللي بتجمعنا

ممكن في ثواني تفرقنا

ساعات الدنيا بتلهينا عن اغلي و اقرب ناس لينا

و في يوم عمرنا مابنتمناه نلاقيهم مابقوش حوالينا

مابنحسش بقيمة الحاجة الا لما تروح

وكان في صوت بيصرخ فينا

واحنا مابنسمعش

ونندم علي اللي ضاعوا و وراحوا و قلبنا مجروح

ياريت الوقت يرجع بينا بس مابيرجعش

زمان كانوا هنا بينا و حوالينا و اللقا مسموح

و دلوقتي و مهما بكينا اللقي ماينفعش

قرب من كل اللي حاببهم شيل عنهم خوفهم و تعبهم يمكن يسبوك هما الاول او يمكن انت اللي تسيبهم

علي قد ماتقدر فرحهم بصلهم و احفظ ملامحهم

هايجيلك يوم فيه تتمنا لو حتي في نومك تلمحهم