غرامي ياغرامي بك هيامي
هواكم به عذابي واهتويته
ترى يامعذبي لي قلب ضامي
ولا يرويه غيرك لو سقيته
على لاماك ادمن يا غرامي
فلا تحرمه من شين عطيته
مفاتنك اخجلت عذب الكلامي
يا عنوان الجمال وساس بيته
اسرني منك طبعن فيك سامي
وقلبي عن هواكم ما نهيته
شبيه البدر في ليل الظلامي
وليلك وان فتني ما سريته
بكم من سبكم لي عقل هامي
ودادك لو خفيته ما قويته
ولو مبعد تزاور فالاحلامي
تجاذبني الغرام اللي اشتهيته
ونتعاطا الهوى بكل احترامي
على كيفك وانا عما بغيته
حلا ذيج الثواني وانسجامي
ثواني القلب تحييه وتميته
تداعبني المشاعر بالاوهامي
تمشيني ف دربن ما مشيته
دروبن موعره تثير اهتمامي
وسلك الصعب يحلالي لقيته
تمنعكم يهيض بي اغرامي
ولك تنساق روحي مستميته
غرامي انت لي غاية مرامي
مولع بك وقلبي ما رويته