مهما كان ليلك طويل كل حاجة بتعدي

مهما كان حملك تقيل كل حاجة بتعدي

لو عينك غفلت كل حاجة بتعدي

لو الدنيا قفلت كل حاجة بتعدي

لو حبيبك سابك والزمن ساقك واتلخبطت اسبابك

لو آمالك اتعطلت واحلامك فرملت وجواك شايل هتعدي

مهما ان كان قلبك ندمان كل حاجة بتعدي

مهما كنت في غلطك سارح كل حاجة بتعدي

سيبك من الناس ربنا بيسامح كل حاجة بتعدي

كلم نفسك وعليها اتصالح كل حاجة بتعدي

الليل طويل مليان احلام تاخدك وتفضل فيها سارح

والنهار اجمل كمان شمسه تنور حلم امبارح

صحيح الايام صعبة كتير بتعلم جوانا وتخبي

بس لازم نعيش قبل ما الدنيا تعدي

كل الناس خايفة من بكره ويجي بكره ولسه خايفين

بكره مش يوم بكره دا فكرة هما جواها محبوسين

اوقاتك هيا حكاياتك و حكاياتك هيا حياتك ماتسبش يوم

ماتسبش سطر في كتابك وكفاية كل اللي فاتك وانسى الهموم

مهما ان كان ليلك طويل كل حاجة بتعدي