اكتشف الجديد دخول
محريٍ بالخير يامزنٍ نشا

ياحلو عقب الوسم رجع السَّحاب

هل رذراذك على روض الحشا

ربِّع بقلبٍ دوامٍ لك شباب



كل زهرٍ فاح عطره واغتشى

بالرَّياض وبالنَّفود وبالهضاب

مانسيتك ياهوى بالي حشا

حبَّك بروحي وبالخفاق ذاب



عادني شوقٍ قديمٍ وانتشى

في هواكم مولعٍ ماقط غاب

لو غشاني بالمودَّه ماغشى

أشتهي فيك الهوى لو هو عذاب



فيك من طبع الظَّبي ليمن مشى

لين عاود وألتفت ثم استراب

ياحلو فزَّة جفالك يارشا

يوم تسبح بالصَّحاري في سراب



الهوى معطيك مني ماتشا

في حياتي ياحياتي لاتهاب

مايفوز الحاسد الَّلي بك وشى

فيك حسَّاد الهوى ياكل تراب