يا كريم المشاعر وش تبيني اقول

ما تركت الصعيب وماتركت السهل

من عرفت المعاني وانت راعي الاصول

من عرفتك تعاني وانت مثل الجمل

لا تطري الغياب ولاتطري الوصول

من عرفنا الكواكب بدرنا ما أفل

ما يزعزع جبال طويق ريح المحول

العزا يا رفيقي في الصبر والعمل

يا كريم المشاعر وش تبيني اقول

ما تركت الصعيب وماتركت السهل

وان مشيت بطريقك احتزم بالحلول

اخلف الراي واضرب بين ظلم وعدل

يا قوي التوكل من تصبر ينول

ريح البال تكفى يا ثقيل الحمل

لو حسبنا حساب الزين قبل الدخول

ما تساقط رطبنا من علو النخل

الليالي تقلب والعتب للفحول

والمشاريه واجد بس من يحتمل

لو سقينا عتبنا كل ريق معسول

ما تحن السوالي للسدر والا

اه يا طريق الترجي لا تظنه ملول

اشهد انه بيمشي لين ترخي الحبل

والمهر للبتول للي مثلك يطول

والتمني طروقه بين رفض وجدل

لو تزرى المتون وقام جمع الفلول

ما يسد النحور الا علوم الجزل

مثل حزن المغادر مثل وهج الوصول

شفت طب القلوب وشفت خطب انجلل

بين كبت الحقيقه وبين راس الجدول

الخواطر توارت بين نقض وفتل

هيم الحر هومات الشجاع الصمول

ما بعد رد شوفه للقطا والحجل

والله انك وسيع الصدر منتب زعول

والنعم والنعم بك والنعم بالأهل