ياطير غن الفر ح باحلى التلاحين وانشد لنا الابيات قاف متينه باللي له لركاب والنوق حنين والغصن دمع يوم فارق يدينه ارسله ربي بالهدى بنشر الدين ويتمم الاديان لي سابقينه نتبع دروبه وين ماسار من وين ننشد عن السنه واحكام دينه هو كامل كمله ربي بكل زين واعطاه من كل الصفات الحسينه مكتوبه فيه القصايد دواوين نفتخر بمدحة يا هناء ما دحينه الحب الاسمى في قلوب المحبين حب النبي الهاشمي حاملينه ياليت ازوره واشفي القلب والعين واسكن حذاله في ديار المدينه ياالله عسى نلقاه يوم الموازين في جنة ربي جزا طايعينه وش خانة الجنة بلياك يا زين ياللي فداك العمر واغلى سنينه صلى عليك الله الوف وملايين وعداد مافي البحر سارت سفينه وعداد مالركاب والنوق حنين او مسلم كبر وشرع يدينه