يا صبي عيني و ياقلبي ونبضاته

تراك ياخوي معطشني ومرويني

ياللي مقدم مرضاتي على ذاته

الهم فيني يباريني ويطويني

حي الله الشعب من كل اتجاهاته

وحي الله الود وأحساس المحبيني

حي الله أخوي لا حي الله أبياته

وشلون احيه لا صار بشراييني

وليا ذكرتك تداعت كل علاته

وبان الفرح على وجهي وفي عيني

لالا تلومون منهو عاشق رضاته

فلذة الكبد يسعدني ويشقيني

يا راس مال الفخر و أكبر طموحاته

ياكل شيً على هالأرض يعنيني

يا أجمل أيام عمري و أنتصاراته

من ضحكتي في صباي لفرقت ايديني

يفز قلبي الا كثر بجياته

ولا غاب عني مايدري وش يجيني

يا قلبي و اخوي كاسرني بوناته

بعض الغلا منه يكفيني ويغنيني

يا توئم القلب وأحساسه وغاياته

خذني فده همومك اللي جعلها فيني

أن طبت طاب الزمان وطابت أوقاته

وأن ضقت شان الزمان وضاق في عيني