رماني حظي بدربك.. رماني

وانا من قبل ما اشوفك اعاني

اعاني وحشة الغربه بهمي

اداري غصتي بأقصى .. المعاني

أبد ما اشكي ولو بالدرب موتي

اموت بعزتي واقف مكاني

ولمن الليالي ناطحتني

نحرت اللي نطح ولا رماني

الا ياللي نويت الهجر قلي

وش اللي جاك مني يا اناني؟؟

مثل ايوب صبري ما تركتني

عطيتك ذرة الهقوى معاني

حسبت ان الوفاء طبعاً بذاتك..

واثر طبعك تطبعته عشاني..

هقيت فارقٍ عن كل ربعك..!

حسبتك شيء و اثرك شيء ثاني!!!

بألاقي منك حزن الوقت كله..

سنين طوال مرت بي ثواني..

هجرت الناس و العزوة و.. طبعي

تغير و اختلف لأجلك زماني..