اكتشف الجديدالفنانين
دخول
الصبح بدري وقبل ما اغسل وشي والبس
يحمد ربي اني لسه بتنفس

ونفس الجملة بترن في وداني
لازم انسى همومي قبل ما الفرحة تنساني

وافتكر لما الدنيا وقفت ضدي
وازاي قدرت أعدي
ولسه واقف على رجلي ولسه بجري

عارف انها جاية في وقتها
انت بتهري في نفسك صدقني مش جايبة همها

ده كلام بقوله لنفسي عشان ما انساهوش
انا اللي في يوم معاه ويوم معهوش ميهموش

كان نفسي في كل حاجة صحة وراحة بال وفلوس
بس عرفت انها متقسمة بشكل مدروس

أصل ديماً في حجات في الحياة بتشيل حاجات
زي غنوة حلوة تلمس قلب واخد ع السكات

زي حضن يدفي قلبك زي ضحكة في عين حبايبك
زي فرحة بدون مناسبة جت تصالحك ع اللي فات

بس انت بص كويس
ركز وبص كويس

يوم تكون محظوظ يوم تكون منحوس
يوم بتمشي معاه ويوم ما بتطاوعوش

ساعات بتيجيفي صفه وساعات بتيجي عليه
مرة تبقا بتضحكله مرة تانية تبهدل فيه

صدق اللي قالوا ان الحلو مبيكملشي
حاسس انه بيجري في مكانه ما بيوصلشي

ولما كل البيبان قفلت وحياة ندلت معاه
ملقاش اللي كان بيتمناه بس حاجة جواه بتقوله ينساه

أصل ديماً في حجات في الحياة بتشيل حاجات
زي غنوة حلوة تلمس قلب واخد ع السكات

زي حضن يدفي قلبك زي ضحكة في عين حبايبك
زي فرحة بدون مناسبة جت تصالحك ع اللي فات

بس انت بص كويس
ركز وبص كويس