اكتشف الجديد دخول
قولي حبيبي

قولي حبيبي ويش إللي كرهك فيني

من بعد ما كنت أنا وإنت أعز أحباب

وش غير إحساس قلبك يا نظر عيني

حيرتني فيك ممكن تشرح الأسباب

الحب أخذ وعطا بين المحبين

مهما حصل بينهم ما تنقفل أبواب

لا جيت أحاكيك تسكت لا تحاكي

أم لا ضميرك علي الواشي الكذاب

وش لون خلاك تكرهني وتجفيني

خلاك تنساه ليالي شوقنا الغلاب

الله يسامحك من غيرك يواسيني

لا ضاق حالي وحنا في الهوا أغراب

الشوق والحب من فرقاك يبكي

ومشاعري كلها في ثورة إستغراب

ما زال صوت الهوى والحب يدعيني

صورتك قدام عيني زولها ما غاب