ابركها من ساعه حضورك عشاني

يامرحبا بك كثر ما سارت خطاك

نفسي اقول اشعار واعزف اغاني

ما احلا الهوا لا صار صادق ومااحلاك

هم قالوا ان الله بحبك بلاني

وانا اقول الله ياحلو بلواك

لك حب صبح وفي المسا حب ثاني

والله يسعدلي صباحك وممساك

ما همني من باعني ومن شراني

لا صرت عندي كل هالناس تفداك

دنياي ترقص لي ويضحك زماني

اشتاق لك حتى اذا صرت وياك

شافوا زهور الحب تملا مكاني

قالوا حبيبك كان يابنت وياك

صمتك حبيبي كلمه فيها معاني

واحلا كلام الحب لا جا من شفاك