اكتشف الجديد دخول
يوسف شافي
اضف
تحميل
1686
74
عطيتك عشقي النادر عطيتك قلبي المجروح

عطيتك حب من قلبي ولا تلقى ابد مثله



توكل ياخفي القلب توكل من متى لك روح

تحس بلوعة المغرم وتصد تحسبك ضله



تحسبك تامر وتنهي على كيفك تجي وتروح

على كيفك تجي وتروح وقلبك ماعرف خله



تأكد من جرح قلبي اشيله من خلايا الروح

واشيله من حدر فكري وعقبه عيشتي فله



انا مالعب على خلي ولا يطري علي مصلوح

ولآ طبعي مثل طبعه فلا مذهب ولا مله



توكل عشرتك مره توكل والغلا مذبوح

ذبحته يا سبب جرحي غرامك منتهي حله



عزيز النفس انا طبعي ولا هز الفكر مملوح

اصيل وطبعي الوافي جميع الناس تشهد له



عطيتك قلبي الوافي عطيتك قلبي المجروح

عطيتك عشقي النادر ولا تلقي ابد مثله