اكتشف الجديد دخول
سلّموا لي على اللي سمّ حالي فراقه

حسبي الله على اللي حال بيني وبينه

قايد الريم تاخذني عليه الشفاقه...

ليتني دب دهري حايستةٍ في يمينه

آه واقلبي اللي راح مني سراقه

تلّ عرج المودّه وانقطع في يدينه

بالهوى طاح ما بالراس عقب الحماقه

أتشهَّد وسمّي لي خزرني بعينه

والردايف تشيل الثوب عن حجل ساقه

مثل برقٍ تكاشف لي كشف عن جبينه

زاميات نهوده يوم زرَّر اشباقه

مثل خوخٍ مخدّد توهم قاطفينه

لا ذكرت الليالي اللي مضت والصداقه

عوّد القلب يرجف مثل رجف المكينه

عقب ما هو نديمي صار شوفه شفاقه

الله اقوى على اللي عشر واربع سنينه

اشتهى عشرتي وانا عشقته عشاقه

في زمانٍ مضى واليوم ويني و وينه