استكشف
دخول
ياتاج راس العز ياتاج راسي

ياراعي الطولات يا صفوة الناس

شامخ يابو خالد شموخ الرواسي

وأهل المعالي كلهم من بني ياس

في العدل لك قلب ٍ شديد ٍ وقاسي

وفي الخير لك قلب ٍ رهيف ٍ وحساس

داخل عيونك دار أهلي وناسي

لو سهّروها قلت : ياعين لاباس

إذا نطقت يفيض در ٍ وماسي

وإذا سكت اغتاض من صمتك الماس

حاتم عطا مثلك بليّا قياسي

لكن جودك مدخل بحاتم الياس

لو ببحر بطيبك فقدت المراسي

يانهر ماله في مدى الطيب مقياس

مايوم كنت لصاحب الفضل ناسي

يجذبك لأهل الطيب قلبك والإحساس

ماجيت أنا أملي من وصايفك كاسي

منهو يطول بكلمته وصف نبراس

جيتك غلا ياشيخ ياتاج راسي

حبيت بك يا سيّدي كل نوماس