صورتك ماتمثل شيء عندي بدونك

والصور والرسايل ماتطفي لهيبي

ما أحس بغرامك ياغلاي وفنونك

غير لا شفت زولك من عيوني قريبي

لا تلاقت عيوني ياحلو في عيونك

لا نطقت بشفاتك مرحباً ياحبيبي

ياجنوني غرامك ياغرامي جنونك

أنت قسمة حياتي ياحياتي ونصيبي

ياحلاة إنفعالك بالغرام وشجونك

ياشجوني ونبضي وإنفعالي وطيبي

أشهد إني أحبك وأتحمل طعونك

وأتلذذ لهمك ياهمومي وعيبي

ياحبيبي أحبك لا تفكر أخونك

لا تفكر أسيبك يادواي وطبيبي

هذا أنا ياحبيبي ماقدر أعيش دونك

صورتك والرسايل ماتطفي لهيبي