آه يا أنا

من فت أنا .. هجر الكنار

زاهي الغصون ساب الغنا

والشتلة ما عاد النسيم

يرقص معاها زى حالنا

يا الفت رحت مع الليالي تقول عبير

غمر المكان بهجة ورحل

عمر الفرح دايما قصير

مشينا نسال ناس عليك

كان نلقي لينا خبر صغير

ما لقينا غير حيرة عيون

إنشاء الله بعد الفرقة خير

لو فى يوم نتلاقى نرتاح من الآهة اللنا

كان عندى والله شعور غريب

فى يوم تفوت من دون وداع

من شفت عينيك شفت فيها

فرحة بعيد فارد شراع

يا الشفنا فى ريدتك حنان

ما قلت ليك خوف من ضياع

عودنا من فرقتنا يعود

ما كنت عارف الريد خداع

والدمعة سالت فى العيون

وين صبرى .. وينو يهدنا

أنا يازمان لو كنت بظلم

يبقي عندك حق تجور

لكني طيبه حياتي طيبه

وبسمة في القاسيات تدور

إنسان يعيش للناس حنان

يرسم ندي النوار شعور

أنا يازمان ..

فتش على فى النجمة ديك

تلقانى جوه عيونا نور