بيحنّ للنغمه الوتر... بيحنّ للشمس القمر
بيحنّ لليل السهر... وأنا مش قادر حنّلِّك
في حبّ بقلبي انكسر... في جرح و تارك أثر
روحي تركتك للقدر... مش قادر أكتر قلّك

شو بينفَعني عيونِك تدمع... و تقولي ندماني
لا تناديني مش رح إسمع... و نسيلي عنواني
و نسيني لو بدّي إرجع... من زمان رجعتلّك

كيف بدّك بعيونك احلم و سرقتي أحلامي
خليني ع الماضي إندم و سنيني و إيامي
و نسيني لو بدّي إرجع... من زمان رجعتلّك

بيحنّ للأرض المطر... بيحنّ للعين النظر
بيحنّ يتسلّى الضجر... وأنا مش قادر حنّلَّك
شو تعبت و قلبي نطر... تيوصل منك خبر
و اليوم رميت الصور... و ما تلومي لو قلتلك