في خاطري لحظاتنا الندية

وانتي ساعة المغربية

قعدتك جمبي وعيونك

سارحة في الدنيا البهية

خفنا من سفرا بيودي

للمسافات القصية

قصة الزول المفارق

وأبقو عشرة على الوصية

كنت جد ناوى الرحيل

إلاّ شايل ذكرى منِّك

خفت فى الغربة البعيدة

المسافات يبعدنك

والعيون الشايلة سيرتك

بكرة يبكن ..ويفقدنك

والأماسى الحالمة ..

تحزن والمشاوير يتعبنك

شفتى كيف

لما الشمس مدت نوافيرالشعاع

والضفاف بعدت كتير

والريح ملت جوف الشراع

كيف هناك بدت الضفاف

تتلاشى فى زمن الضياع

وإنتى ساعة المغربية

خايفة من كلمة وداع