ولا صحبة أحلى ، من تجلي الذات

ولا حضن أدفى ، من ونس في النفس

غاب الصحاب، لكن الهوى حاضر

قادر ياخدني لحد عين الشمس

ساب القمر ضيه على بابي

نورلي كل إللي طفاه الأمس

أنا وحدي جايز، بس مني كتير

حالمين بعالم فيه القلوب تتحس

يا بحر فاصل شطنا عنهم

بيننا وبينهم ألف سد وسد

عايشن بنلضم جرحنا وإحنا

في شوك في روحنا ألم فاق الحد

يا صبح جاي يصحيي في عيوننا

هنعدي يومنا لو يا دوب على القد

ده الوحده صحبة والصدى راجع

يرد صوتنا هو هو الرد

يندي تاني بس مين سامع

ولا صحبة أحلى من تجلي الذات

ولا حضن أدفى من ونس في النفس