اكتشف الجديد دخول
تروّي يا حسن منظور .. تروّي يا ملاك الزين

تروّي كود عيني .. تلتمس منك حنيّه

شوصفك لو بغيت اذكر .. محاسنك انعدم بك شين

وأخاف انّك تصر في وصفي .. لو قلت حوريّه

نقضتي حال المجدول .. على عارض المتنين

وشفشف هوى روحي .. على فركة إيديّه

كتبت القصيدة ناوي .. أعنّيك أنا بسطرين

سجى الفكر بالمعنى .. ولك تمّت النيّه

أنا وين جابتني المقادير .. وانتي وين

تولّعتي الله لا تزيد الولع فيّه

وداعك .. عمر حي .. خذيتيه بطرف العين

معك حي .. وإلا غبتي يموت بعرب حيّه