دام حرف الميم من بين الانام مابقى للنوم في عيوني محل

من عرفتك طارت اسراب الغرام و امتلت هل ارض عشاق وغزل

سولفي للحب عن معنى الغرام علمي الدنيا تفاصيل الغزل

من عقب ماشفت زولك كيف انام شفتك اجمل بنت في هذا الحفل

جيت افسر لك تفاصيل الهيام صار قلبي بين كفينك طفل

كنت اطير لك من ضلوعي حمام وابتسم وياك زهرات الامل

دام صمتي يبلع حروف الكلام لين ذاب الورد في خدودك خجل

مين يصحي عيونك النجلى حرام توها نامت على ذراع الوجل

لاوقفتي ينحني راس الغمام ولا مشيتي تمطر الدنيا عسل

كيف اقول للقلب المسكين نام لو نهيته عن ملاحقتك زعل

لك محبه لك معزه واحترام من جمالك صار يضرب بك مثل

هاك قلبي بس ابي منك اهتمام وانت ادرى بحالتي والي حصل