اكتشف الجديدالفنانين
دخول
تثيرني فيك ابتسامة شفاياك

ويثيرني حلو العتب من عيونك

الله مااحلا ياحبيبي مُحياك

كل الإ ثاره في جمالك ولونك

أعشق سكون الليل لي صرت ويْاك

دامك معي ترمي بقلبي شجونك

خذ راحتك واسكن بقلبٍ تمنّاك

أنا .. وشوقي .. والمشاعر نصونك

انت العيون اللّي بها انْظر مزاياك

واحساسي الهايم بروعة فتونك

دنياي تحلالي بقربك ولاماك

ياسلوتي وش هي حياتي بدونك ؟

فرشت لك ليل الهنا روح مضناك

اغمض عليها ياحبيبي جفونك

مادمت تهواني وانا كلي اهواك

خل العذول يشوفني في عيونك