اكتشف الجديدالفنانين
دخول
اه من الايام صحيت من نومي وانا تعبان . .

قابلت جارتنا الحجه سهام مش متفائل دانا زعلان ..

رحت الشغل ومش في معادي قابلت الريس عبد الهادي

رحت الشغل ومش في معادي وبيقى اليوم اسود مش عادي..

جاي متاخر ليه يافندي خصم يومين في الدفتر عندي

طب يخصم مني يومين في دقيقه يادي الحوسه ويادي الضيقه..

اسمع مني ياعم حقيقه دانتو الشغل بتاعكم ضيقه ..

اديت ضهري لعبد الهادي سبت الشغل وهو ينادي ..

انا مش هوافق انا مش منافق لو تمشي كوسه انا مش هشارك

عندي مبادئ وكلامي صادق هتسمع قصه وتقولي لسه بادئ

تايه ومحدش ملاقيني رجلي بتمشي وبتمشيني

الي يسلم قدام عيني انا مش شايف حاجه يا زميلي

ماشي ومتحسر متاثر والي هيسال صعب افسر نفسي

افضفض نفسي اكسر لكن ساكت اه لو هقدر اه لوهقدر مكنتش هفكر

كنت هزعق كنت هتهور فجأه انا رجلي جابتني لحديه صوت راجل بيقولي يا ابني

قال مالك شكلك متضايق زعلك على وشك مش لايق

قلتله حاسب وسع سيبني الي بيحصل مش عاجبني

قالي الصبر ضحكت انا اصلي صابر من سنين

فجاه في ثانيه فوقت ونسيت وشي الحزين

يابني طول ما الوقت طال ربك فاكرك مش ناسيك

قالي استنى شويه عندك عندي وصفه حلوه ليك

قومت رشقت في الحوار قالي انده حاسن العطار

هو ده جد ولا هزار انا مستني هنا على نار

راح العطار وتاخر وانا قاعد زعلان وبفكر متكدر

قلقان حيران متضايق فاصل فصلان وصل العطار

وقلي خدلك وصفه للصراحه قلت الصراحه عندي

بس مش حاسس براحه شوفلي واصفه للبجاحه هاتلي

وصفه للنفاق هاتلي واصفه للشجاعه الي غلبت الاخلاق

ثم من بعد اتفاق راجع تاني للسباق بس معايا وصفتين

للشجاعه والنفاق راجع بيتي واباشتياق قلبي دايب

من الوقفه بس كفايني الغباء عقلي فكر لما فاء

من الليله انا مش هتساق اهدي يا حاره كفايه خناق

أنا أخري جايبني معاكو و هنوصل لأتفاق جره ايه

يا معلم عكوه هو محدش مالي عنيك عمال تضرب

في صبيك لامم كل الناس حواليك يالا يا فندي من قدامي خلي الليلة

تعدي بخير انا مش ماشي يا معلم عكوه يبقا تعد نجوم الليل

اخدت وصفة الشجاعة عملت داخلة بكل قلب

بوس علي راس الواد يا معلم يالا يا فندي خدلك جنب

فجأة قلبت و لا شمشون بضرب ضرب و لا المجنون

من النهاردة هحط قانون انا ابضاي الحارة يا دون

راح مفعول الوصفة في ثانية قدامي يالا علي الكراكون

جيت أشوط الكورة في الجون حظي الفقري ورايا هيكون

تبدا الدنيا تضحك ليا دايما صعبه وجايه عليا

مهما تكون الوصفه قويه لازم تاني تاثر فيا

لسا فاضل وصفه اجرب هبدا انافق وانسا المبدا

يمكن ليا الدنيا تقرب لازم أحاول لازم أصدق

يمكن ليا الدنيا تقرب لازم أحاول لازم أصدق

من حواليا الشكل مكركب هبدأ أعدل هبدا ارتب

فجأه كلامي بدأ يتغير واللي بيسمع ليه بيتحير

هرجع شغلي و هبدا أسيطر ايه اللي هيحصل حزر فزر

قولت يا هادي و رايح عادي فجأة بقابل عبدالهادي

أفضل احايله وافضل ادادي روح علي شغلك من النحاية دي

قولتله ماشي يا عبد الهادي سامع صوت في الهوي بينادي

قالي ده صوت العزي هنا جنبي قوم ده مدير االشركة يا فندي

قولتله خلتي قالي ازاي قولتله لازم ألحق اعزي

قالي اتفضل بس الشاي ما فيش وقت أنا لازم أجري

بعصر عيني ودموعي بتجري رايح العزي و انا ماشي علي رجلي

خالتي حبيبتي فراقك انتي صعب عليا مقطع قلبي

شافني مدير الشركة أتجن وانا بعيط نازل زن

الترقية خلاص مضمونة شكله طب ورق وحن

هوبا لعب الزهر في ثانية و الويك اند بقي في ألمانيا

أخدت حظي قوام من الدنيا شكل حياتي بقت عيشة تانية

الناس عايزة اللي ينافق و يوافق و ينسي ضميره

و انا هلبس وش التعلب نازل الملعب هلعب و اكسب

و اكنها جت علي غفلة للترقية انا هعمل حفلة

هجمع فيها اكبر حراميه و اخد فيها الوصفة الجامدة

بس كنت فاكرها نفاق لكن تقلب هنا بصراحة

اقوم في الحفلة في وسط الناس اتكلم و بكل بجاحة

اه من الايام اه اه من الايام