امي سلام....كتِر الشوق

اعاين ليكِ طول الليل..

اوسد راسي في حضنك..غلبني الشيل

بقالدك في الرحيل مشتاق

و اشوف الخطوة مليون ميل

و اناديك يمة من ديك

اكورك ليك يمة حليل...غلبني الشيل

بدور ألقاكِ يا غالية

و اضحك تاني في عيونك

ألملم في البعاد و اقعد..

جنبك ديمة في حصونك

غلبني الشيل

خلاص ما فاض بحر ريدك

خسارة الدنيا من دونك

ضناك مهموم بيفتش ليك

و يسأل ديمة في سكونك

يلوٌح بالامل حيران ينوٌح

و يحلم ديمة ب كونك