اكتشف الجديد
دخول
أم كلثوم
اضف
تحميل
12077
560
لحب كده وصال ودلال و رضا و خصام

أهو من ده وده الحب كده مش عايزه كلام الحب كده

حبيبي لما يوعدني تبات الدنيا ضحكالي

ولما وصله يسعدني ما فكر باللي يجرالي

ينسيني الوجود كله ولا يخطر على بالي

ولما طبعه يتغير وقلبي يبقى متحير

مع الأفكار أبات في نار وفي حيرة تبكيني

وبعد الليل يجينا النور وبعد الغيم ربيع و زهور

حبيب قلبي يا قلبي عليه ولو حتى .. يخاصمني

ويعجبني خضوعي إليه وأسامحه وهو ظالمني

وبعد الغيم ما يتبدد و بعد الشوق ما يتجدد

غلاوته فوق غلاوته بتزيد ووصله بيبقى عندي عيد

وبعد الليل يجينا النور وبعد الغيم ربيع وزهور

أهو من ده وده الحب كده مش عايزه كلام الحب كده

يا سعد اللي عرف مرة حنان الحب وقساوته

وياذله اللي طول عمره ما داق الحب وحلاوته

تشوفه يضحك وفي قلبه الأسى و النوح

قلبه عايش بلا روح والحب هو الروح

حبيب قلبي وانت معاه بحبه في رضاه وجفاه

أوريه الملام بالعين وقلبي الرضا ناوي

بيجرح قد ما يجرح ويعطف ثاني و يداوي أهو من ده وده الحب كده مش عايزه كلام الحب كده