اكتشف الجديدالفنانين
دخول
كود مصر
اضف
تحميل
257
51
من يومي وصغر سني .. وانا بحلم اطير كإني

نسر وبيلف كونه .. ولا حد يطول جنونه

وافضل كده اطير واهاجر .. وفي كل الدنيا اسافر

على قد ما بلدي غالية .. كان نفسي أزور ايطاليا

واعشق فيها الشوارع .. واكسر كل الموانع

بين نابولي وبين ميلانو .. لكن أصحابي كانوا

غاويين كتر الحكاوي .. والقعدة على القهاوي

وانا عمري ما كنت ناوي .. إني في يوم أطير لوحدي

----------

احلامي كانت بسيطة .. لكن طلعت م المحال

علشان الناس حويطة .. كسرولي في الأمال

وقالولي أفكار عبيطة .. انت في واقع مش خيال

وفضلت واقف مكاني .. بعلن رفضي لزماني

اللي فيه ميولك تكون .. غير ميول الناس جنون

واهي مرت السنين .. وبقيت ضمن الروتين

غاوي كتر الحكاوي .. والقعدة على القهاوي

وانا عمري ما كنت ناوي .. إني في يوم أطير لوحدي