صار المكان بدون شوفتك ولا شئ

حزين يوحي بالملل والكآبه

انت لها الافراح والانس والضي

والتالي لنفسي عونها والمتابه

ماعوضك ياصاحبي بالبشر حي

خلق حميد واحترام ومهابه

ان غبت عني تظلم الدار والحي

وان غاب غيرك ماعسرني غيابه

انا بدونك زهرة مالها ري

بين الهشيم وتستغيث بسحابه

مصفرة الاورق مقطوعة الفي

يبكي لها سيح الجنوب وهضابه

النار تكوي ضامني يالغلا كي

والفكر مشتت وفاقد صوابه

لأن المكان بدون شوفتك ولاشئ

يسكن زوايآه الملل والكآبه