اكتشف الجديد دخول
من كلمات سمو الشيخ / محمد بن راشد ال مكتوم

عزّاه يا قلبٍ شفوقٍ و مشتاق

متولّعٍ في حب زين الوصايف

عليه قلبي دايم الدوم خفّاق

و ينوح له في كل عالي و نايف

خلي عليه امن التواصيف ما فاق

و من الغزال اللي يربّ الكفايف

أنا الصّويب اللي بي اجروحٍ اوثاق

و قلبي يعرض له حديد الرهايف

يا ونّتي يسمع صداها بالآفاق

في مهجةٍ لي و ترظف حسايف

خلّي صديقٍ لي و للقلب سراق

امعزل الجثمان و الخصر هايف

امورّد الخدين دقه على باق

عليه شفت أمن العلامة وصايف

و النور من خدّه كما شمس الاشراق

يا ضي شعاعه تحت شيل الرهايف

عليه اجاوب ناوح الورق لقاق

اللي ينوح ابعاليات الشرايف

خلّي أحبه من خفيّات لعماق

واحب ذكر اسمه يلي مرّ طايف

و أنا عنيتك خص من زد الأصداق

يا بن خليفه مسند الضيف ضايف