اكتشف الجديد دخول

لا ذكرت الماضي اللي به شقيت

أبكي بحرقه وأصيح من القهر

تبكي عيوني على وقتٍ قضيت

دمع عيني فوق خدي إنتثر



العذاب وسكته فيها مشيت

ليلةٍ ظلمة ولا فيها قمر



تهت في دنيا بلتني وأبتليت

من سبايب من جزتني بالهجر



إضحكت لي في البداية وأنتشيت

وفي النهاية حطت بجوفي جمر



كيف تصخابي وأنا اللي ماصخيت

في ثواني ضيعت "'عشرة عمر'"



ليه خانتني وأنا بعهدي وفيت

ليه تطعن خافقي طعنة قهر



أحسب إنها مخلصة لي مادريت

إن قسوة قلبها مثل الحجر



ليه باعت يوم أنا فعلا شريت

ليه ضاع العمر في هم وسهر



غلطتي يا دنيتي إني هويت

وأعتبر ما صار لي غلطة عمر



درس يا دنيا خذيته واكتفيت

ما أظن أنساه لو طال الدهر



لا ذكرت الماضي اللي به شقيت

أبكي بحرقه وأصيح من القهر.