اكتشف الجديد دخول
حبايبي الحلوين أهلاً جوني

أنا ما قايل

سمحين زي ديل يزوروني

جوني زاروني شايلين أزهار

شايلين الليل قلبوه نهار

حُبي المكلوم عملوه جهار

والشافم قال جل القهار

طلعن عزاز من الخدور

إتلاطفن زي البدور

بدور كتار ماشين بالدور

أشكال وألوان زي ما تدور

أدب وأخلاق ورقة وشعور

خدود لامعات ومساير نور

رايقات حنان بندن عطور

شباب ياناس سطع كالبلور

بعد الدروس جن ذاكرن

للحفلة فجأة تذكرن

موضة وثياب ما تنكرن

إحتلوا الحفلة وعسكرن

نزلو الرقيص وهاج الشباب

هيجة فرح بي لقاء الأحباب

باب الزواج دا أجمل باب

وعاوزين ندخل رغم الأسباب