ماتفتحيش فجرح عشته زمان

قول للزمان ارجع يازمان

ياحلم راهنت بعمري عليه

وطلعت من الرهان خسران

يا سمرا ياللي عنيكي كدابين

والله لو بعشق حجر ها يلين

اسقيكي شوق تسقيني دمع العين

قصه ومتعاده بقالها سنين

نفس النهايه الفرق ف العناوين

صبرت صبر لو شاله الجبل هايميل

مالقتش منك حتي رد جميل

انا كنتلك زاهد وكانت سبحتي شوقي

كنتي لي سم بيجري فعروقي

متشكرين علي فرحة البدايات

وهاحاول انسي قسوة النهايات

متشكرين علي فرحة البدايات

ونهايه سابت ف القلوب علامات