اكتشف الجديدالفنانين
دخول
مصطفى كامل
اضف
تحميل
22227
1
6834
abohadeer22
(
2018-10-03 15:49:10
)
اغنية جامدة مووت
انا اللي يا دنيا كل حبايبي ظالمنّي

انا اللي يا دنيا كبرتيني فوق سني

انا اللي تملي جاية عليا، ظلماني

انا القلب اللي عاش غلبان وعاش طيب

ف عز جراحي اقول حاضر واقول طيب

انا اللي يا دنيا عمري ما كنت شراني

انا اللي دمعتي أيام وانا اللي فرحتي ثانية

تعالي نتحاسب يا دنيا ع اللي عدى و ع اللي راح

تعالي نتحاسب يا دنيا ع القسية و ع الجراح

شفت ايه حلو ف حياتي من بدايتي لنهاياتي

شفت ايه غير العذاب!

قسوة مش فاكر عددها، فرحة بتموت يوم ميلادها

حزن خلى القلب شاب

ياما تهت فيكي يا دنيتي ومالكيش مراسي

وكتير بحس بغربتي وانا وسط ناسي

اللي حبيتهم باعوني واللي علّيتهم خانوني

كله داس عشرة زمان

وانتي باركتي ووافقتي، ياما كنتي ف وقت ضيقتي

مقفلة ف وشي البيبان

انا عشت عمري حيران ف أمري

على ضي قمري سهران وحيد

ملقتش جنبي غير جرح قلبي

حتى حبايبي باعدين بعيد

ورتيني الويل طول النهار والليل

وشفت فيكي العجب

من أول المشوار بيني وبينك نار

معرفش ايه السبب!

كل ده وصابر وراضي، ببكي على حاضر وماضي

وقلبي خايف م اللي جاي

سبتي مليون جرح ذكري، يا تري رسمالي بكره

لونه عتمه ولا ضي؟

عودتي قلبي على الوجع انتي وزماني

من كتر قلبي ما اتوجع كره الأماني

عايزة نتحاسب تعالي، شوفي كام ليل م الليالي

كنت سهران ببكي فيه

امتى حسيتي بوجيعتي؟ أو ظلمتيني ورجعتي؟

ف أي حكم حكمتي بيه

تعالي نتحاسب يا دنيا ع اللي عدى و ع اللي راح

تعالي نتحاسب يا دنيا ع القسية و ع الجراح