اكتشف الجديد دخول
في ساعتي كل الدقايق عنيده

في ساعتي مابه دقايق ولا احساس

ياللي قتلت الحب في يوم عيده

وش لون بطفي شمعتي ومابه انفاس

اهديتني جرح نزف لك وريده

جرح نزف لك والمعاليق يباس

قديم وقتي يشتكي من جديده

وفي ناظري باب الامل رده الياس

اسري لدارك لو ديارك بعيده

ويشدني لك لو طغى الليل هوجاس

امسح بها الدمع وجرحك يزيده

واصد لايلمحك في عيني الناس

اذا زان وقتي صار وقتك ضديده

فرحي غدا درب مشى به الاتعاس

في يوم ميلادي نزفتك قصيده

كتبتها بدمعي وانا رافع الراس