اكتشف الجديد دخول
كل ما اهتز عودك لاح بالنور نور

داعبه صوت مفتون يسمي عليك

من تبيّنت صرت عيون كل الحضور

تحتويها العيون وكلها تحتويك

تقطف الحب يا فتّان قطف الزهور

من بغيته على روس الانامل يجيك

كل قلب عليه تشوف حارس وسور

يفتحه جيش عينك لا تكلف يديك

في عيونك غرور جاهل بالغرور

فيك عفويه الساذج من خوف الدريك

للقلوب الخليّه ما تدور عبور

انت منها وفيها ياعناها شريك

يا ملاك بطلته يطل السرور

المشاعر على طول العمر تحتريك