اكتشف الجديد دخول
بجيك يا ناعس الأهداب وأنت أدرى

لو المسافة كبيره بيني و بينك

أجرح عسى كل جرحٍ منك مايبرى

وأتشيطن الله يحفظ لي شياطينك

أبغيك مستقبل الخفاق و الذكرى

و أبغي عيوني تنام وتصبح بعينك

يا غالية لو يطول الليل و المسرى

أبسأل الليل عن آخر عناوينك

تمخصري مثل وصف المهره الشقرى

إلا تمثلتي بالأشعار في زينك

و تمايلي مثل غصن الشجره الخضرى

لا حست أيدي برقة لمسة أيدينك

ولهان يا فاتنه يا بنت يا عذرى

لو إنه عندي سطر ماقلت لك وينك

إن القيم و الأدب و الصدق و الأحرى

يطغى على قسوتك يوم الهجر لينك

الهجر بين الحبايب عيب ما يطرى

و إنتي من الهجر ذابلتٍ بساتينك

يكتب فراقي في عينك شئ ما يقرى

تنسخ دموعك حروفه فوق خدينك

يالله عسى كل جرحٍ منك ما يبرى

و عساني آخر حبيبٍ من محبينك

بجيك يا ناعس الأهداب و أنت أدرى

لو المسافة كبيره بيني و بينك