الليله الجلسه معك وصفها غير و انتي و صوفك غير ماهي وصوفك

حتى كلامك كان كله معاذير والليله اصغر همك اكبر ظروفك

كنتي تخافين الوصل والمقادير والليله اخجلتي بوصلك طيوفك

نفرض وثقتي بي على اقل تقدير طيب من ظروف الزمن وين خوفك

معقول شعرك هاللي يفل ويطير معقول هاللي يطرحنه كفوفك

معقول خدك هاللي ازهر نواوير معقول هاللي يجرحنه سيوفك

ماني مصدق كل ماحولي يصير لحظه بصد شوي وارجع اشوفك

اي والله انتي صدق ماهو باحد غير اي والله انتي صدق هذي وصوفك