فى حاجات تتحس ومتتقالش..وإن جيت أطلبها أنا مقدرش..ولو إنت عملتها.. بعد ما أنا.. أطلبها..يبقى ما ينفعش..

فى حاجات تتحس ومتتقالش.. توجع فى القلب ومبتبانش..وأفضل على طول تعبانة مابين.. طب أقولك ولا ما أقولكش..

مقدرش أقولك غيّر كل طريقة حبك ليا..

أو غير عليا ولا فاجئني فى مرة وهاتلى هدية..

واملى عنيا.. واعمل حاجه أنا مش عارفاها..

مقدرش أقولك حلّي الدنيا فى عينى وغيّر فيّا..

لو مهما كنت قريّب مني.. وكنت قريب ليّا..

مقدرش أقولك شكل حياتنا اللى أنا عايزاها..

اعرف لوحدك شكل حياتنا اللي أنا عايزاها..

أوقات بيبان إني سكتّ.. وهديت.. ورضيت.. واتعودت

مش معنى كدة.. إنك على طول.. تحسبني.. إنى استسلمت..

وساعات بتحس إني زهقت..مع إنى بخبي.. إنى تعبت..

متوصلنيش ياحبيبى أقول..ده يا ريتني.. يا ريتني.. اتكلمت..

مقدرش أقولك غيّر كل طريقة حبك ليا..

أو غير عليا ولا فاجئني فى مرة وهاتلى هدية..

واملى عنيا.. واعمل حاجه أنا مش عارفاها..

مقدرش أقولك حلّي الدنيا فى عينى وغيّر فيّا..

لو مهما كنت قريّب مني.. وكنت قريب ليّا..

مقدرش أقولك شكل حياتنا اللى أنا عايزاها..

اعرف لوحدك شكل حياتنا اللي أنا عايزاها..