غضت عيونك ولا غضت عين من حبك وهاذابك

انتا يلي روحك اتهنت يامتى روحي تهنابك

الجوارح كلها حنت ظاميه تبكي على بابك

تخفي الاسرار مادلت هايمه نفسي وتشقابك



ماعرفت وكيف لك اثبت حبي اللي ماقوى عتابك

شافتك عيني وثم سمت لو شحيح الحظ مايابك

ان تمنت عيني تمنت ماتمنت غير تحظابك

لوتسلت عنك مااتسلت وان غفت بالنوم تصحابك



القوافي بسمك اتغنت مايموت الشعر يحيابك

منك ماملت ولا كلت دام تسكن صفحه كتابك

لوسنين ايامنا مرت لو يشيب الصبر بغيابك

لو دموع ايامنا هلت لا تبكي عينك اهدابك



نار شوقي في الحشى شبت ماانطفت والروح تدفابك

ماتلبي لغيرك ولبت يامنادي قلبي اسرابك

لو سيوف العاذل انسلت ينهزم والشر ماصابك

لك سيوفي دونها مدت موت عذالي واحيابك



كم عين وعين لك دلت والاسد سيد على غابك

شوف ياسات الامل طوت حاسدي من وصلي يهابك

غضت عيونك ولاغضت عين من حبك وهادابك

انتا يلي روحك اتهنت يامتى روحي تهنابك