اكتشف الجديدالفنانين
دخول
منوعات
اضف
تحميل
2632
171
مصر بجد الى مشفهاش يبقى حياته لسه معشهاش

مصر الحاره جيران العماره قعدة سلم طول الليل

مصر الشاب الجدع الشهم بنت بترسم قلب وسهم

مصر الزحمه مليانه رحمه ايد بتعدي وايد بتشد

وكباية شاى ع الرايق تفوق لو مضايق

ونكته تضحكك من القلب وحمص الشام ع الكرنيش

وخد طبق فول ورغيف عيش

واقعد وخمس هنا على جمب

راضيين نعيش فيها على القد

وهي دي مصر الى بجد

في مصر تروح في اي مكان

في ناس مختلفه في الالوان

لكن نفس الطباع بالظبط

وفي التكعيبه قاعد شيخ

في تشقيق وشه تقرا تاريخ

بيخبط جوا قلبك خبط بنصلي جمعه قداس حد

وهي دي مصر الى بجد

تشوف عامل تشوف فلاح

وجندي ايمانه اغلى سلاح

وديماً تلقى منهم رد

فانله بيضه او حمرا

معادي مرج او غمرا

بيتقابلوا في نفس الخط

ده الشعب شرطه يد في يد

وهي دي مصر الى بجد

في ناس علشان نعيش في امان

بيقفوا في وش اي جبان

وبياخدوا الضربه قبلينا

ورغم ان الوجع بيزيد

هنكمل حلم كل شهيد

كأنه لسه وسطينا

جيش مصر هنا واقف اسد

وهي دي مصر الى بجد