اكتشف الجديد دخول
يلازمني خيالك وين مارحت وسرحت وجيت

اسرني طيفك ، وحبك اسرني وصرت مفتونك

حبيبي مرني صوتك بلا موعد وانا حنيت

اجل وشلون لو عيني تصافح فجأه عيونك

فقدتك ليلة البارح .. غريبه ليه مامرّيت

وموعدنا ينادينا ذبل ضي القمر دونك

ذبل كل الفرح حتى الثواني مالها توقيت

ترا مالك عذر تبعد وانا للحين مجنونك

تعال اهزم ظروفك لاتخليني اذا ونيت

انا يكفيني بس اسمع حبيب الروح وشلونك

يلازمني خيالك ياحبيبي كثر ما حبيت

واحبك يالخيال اللي عيوني مايشوفونك