تصحى تفتح عينها

الشمس تنور دفا ف الكون

تفرح بيها الدنيا وتمطر ورد ملون

مليون لون

تجرى عليا واخدها ف حضنى

تهدى عيونى خلاص وتنام

ما هى كانت سهرانه بتحرس

ملكة كل بنات الكون

الله عليها لما بتتكسف وتتخطف

من اى كلمه جريئه منى

بحبها

سبحان الله لما تتكلم

تخلى القلب بيسلم واقول الله

اول م عنيا شافت شوفتها وبعشقها

مولود واسمى حروفه تشبه اسمها

مفيش منها ف براءتها ولا فى طيبتها وجمالها ف رقتها

الله على الحب اللي بيخلينا نعيش كدا

مع بعضنا الصعب يكسر يهون

الحب تعيش بلادنا ميفرقش ما بينا دين

ولا لون

ساعتها الحلم يتفسر .. نكون

فى المحنه بنبقى واحد كلنا

مين زينا

لو يوم وقع واحد بيبقى همنا

نفضل معاه بنكون سنده وكل ما فينا

بنساعده ونبقى وراه