توك فضيت وتوك الحين لي جيت

توي أجي الحين عندك في بالك

انت اللذي عني الأول تخليت

يومي من أول كنت كلي حلالك

أخطيت في حقي وأنا مثلك أخطيت

اني عطيتك فوق حتى خيالك

جرحتني ..سامحت.. جيتك.. تغليت

واليوم هجراني لقلبك وفى لك

قد قلت لك لا تبتعد وانت عييت

وأبعدت لين الهم بعدي صفالك

من بعد ماعلمك وقتك وعانيت

بقو عين تقول لي كيف حالك؟

تراك مع غيرك بقلبي تساويت

والله يعينك باللذي قد جرالك

عادي ولاهميتني يوم صديت

بس التفت ويصير عندي بدالك