تعرف تعاكسني

تعرف تعمل زي زمان كده و تحسسني

ان مفيش ف الكون واحدة تقدر تنافسني

و ان انا أجمل مخلوقة على وجه الأرض

بتكلم جد على فكرة الاحساس ده ناقصني!

خد بالك من كل صغيّرة و كبيرة

ممكن كلمة صغيّرة تسوى هدايا كتيرة

بس ابقي قولها ف توقيتها

آه يانا منها يا حلاوتها!

بتفرق جداً و ف مود حلو أوي تعيشني

في حاجات منسيّة

و انت معود قلبي تمللي على الحنية

عارف ان حبيبتك أنا واحدة رومانسية

و اني بحب أشوف ف عنيك على طول الحب

يا حبيبي مش صعب حبني زي الهوا و الميّة!

خد بالك من كل صغيّرة و كبيرة

ممكن كلمة صغيّرة تسوى هدايا كتيرة

بس ابقي قولها ف توقيتها

آه يانا منها يا حلاوتها!

بتفرق جداً و ف مود حلو أوي تعيشني