اكتشف الجديدالفنانين
دخول


انا كلي اسف للي بدر مني من الفاظي

قسيت برده افعالي و زودت العيار شوي

انا ما جيت اعتب بالملام و افتح الماضي

مفاتيح العفو عندك عسى به من نصيبي شي

خذتني عزتي باثمي و عينت الزعل قاضي

حكم لي بالجفا عنك و انا قلبي صرخ لي عي

تحسب اني قدرت انسى ترى كله حكي فاضي

انا مقفي و في نفسي اقول الله يرده لي

انا قاعد على بابك الين تقول لي راضي

تبيها عام او ليله تدلل ما ورانا شي

ابقعد لين تنصفني و تغفر ذنبي الماضي

افضل اخسر الدنيا ولا اخسرك لو شوي

حبيبي لا تعنيني مريض و بانت اعراضي

تعبت من الشعور الي لاني ميت ولاني حي

متى ترجع سعادتنا و ترجع شمسنا تاضي

كريم انت و انا استهال و اكيد انك بتغفرلي