عرفنى ياابا فى عرضك قول

عملت ايه عشان أموت مقتول

وحياتنا ليه بس رخيصة

وعن عذابك مين مسئول

عاوزنى ياابنى اعمل لك ايه

ده غصب عنى و هاعمل ايه

و قبل منك اخوك قتلوه

و ياما برضه بكينا عليه

بيوتنا يابنى خربوها

حتى البراءة ما رحموها

ولما زادت قسوتها

راحوا المدارس ضربوها

الفصل ياابا علينا اتهد

و الدم سال على العين و الخد

وفضلنا نحضن بعضيا

و اللى ماتوا مايجيش حد

عرفنى ياابا انا فى عرضك

دى ارضك و الا ماهيش ارضك

على الظلم ليه الناس ساكتين

وليه الغريب عاوز أرضك

الارض دى ارض جدودى

و هى وطنك و حدودى

ودمى و هو دم ولادى

ملىءترابك يا بلادى

و كل يوم فى شهيد و اتنين

و ناس بتصرخ و تنادى

القدس بتمد ايديها

عايزة العرب من حواليها

من غيرنا يقدر ينجدها

من غيرنا هيخافوا عليها

ابنى الصغير هان دمه

و الخونه حواليه اتلموا

ضربوه فى قلبه و فى دماغه

و لاحد منهم كان همه

كان نفسى ياابنى اخد تارك

و اطفى نار قلبى و نارك

لكن اعمل ايه مش بايديه

ماهو بكرة دمى يسيح جارك

سلمها لله سلمها

دى دنيته و هو عالمها

ماترميش حملك ع الناس

و بروحنا لازم نخدمها

وحياة الدم اللى اتصفى

و الكام مليون اللى اتوفى

ربك هينجى المظلوم

و هيبقى يوم موتك زفه

كان نفسى ياابنى اخد تارك

و اطفى نار قلبى و نارك

لكن اعمل ايه مش بايديه

ما هو بكرة دمى يسيح جارك